• Eth pròplèu 8 de mai naua capsula formativa gratuïta: “Coneish es tendéncies deth mercat laborau entà èster un candidat competitiu”.

Dètz persones participèren eth passat dia 19 d’abriu ena capsula formatiua: “Creacion de botigues online damb WordPress + Woocommence“, a cargue d’Albert Calzada Ribalta, dessenhador e desvolopador web freelance, especializat ena plataforma WordPress. Licenciat en Dret e Graduat en Multimèdia damb era acreditacion de qualitat Euro-Inf dera European Quality Assurance Network for Informatics Education.

Era propèra capsula: “Coneish es tendéncies deth mercat laborau entà èster un candidat competitiu” serà eth 8 de mai de 10:00 a 14:00 ores, e vos podetz inscríuer dirèctament ena web deth CEI Val d’Aran: www.ceivaldaran.org.

Rebrembam qu’es capsules formatiues son gratuïtes e se dirigissen a totes es persones o empreses interessades que volguen ampliar era sua formacion.

Es capsules formatives s’impartissen en CEI Val d’Aran de Casau (Plaça Naua, 1) e son organizades peth madeish CEI Val d’Aran e eth Conselh Generau d’Aran en collaboracion damb era Deputacion de Lhèida e GlobaLleida, damb eth supòrt deth Departament d’Empresa e Aucupacion dera Generalitat de Catalonha, Catalonha Emprèn e eth Hons Sociau Europèu.