Vielha, 21 de hereuèr de 2018.- Eth CEI Val d’Aran a acuelhut era reünion dera comission de seguiment entre es responsables deth CEEI Lhèida e eth madeish CEI Val d’Aran.

Era comission de seguiment seguís era madeisha filosofia en toti es centres CEEI (Centre Europèu d’Enterpreses e Innovacion) e servís entath compliment des corsi, capsules formatives e conferéncies que s’aufrissen, atau coma es linhes de trabalh des desparièrs centres e es besonhs e compatibilitat des enterpreses tecnologiques e innovadores installades.

Eth CEI Val d’Aran, coma eth rèste de centres trabalhe jos GLOBALleida, damb er objectiu d’identificar es idèes innovadores e dotar-les de mieis entà transformar-les en enterpreses referents, e dar suport ara estructura empresariau deth territòri mejançant era transferéncia tecnologica e era melhora des hilats de cooperacion entre enterpreses.

Era conselhèra de Torisme d’Aran, Anna Díaz, que’i part dera comission de seguiment per part deth Conselh Generau d’Aran, avalorèc fòrça positivaments era de mès en mès importanta preséncia d’enterpreses restacades damb era innovacion e era tecnologia en CEI Val d’Aran, e metec en valor era activitat amiada a tèrme peth centre en darrèr an damb es capsules formatives e es corsi que s’a aufrit.

Pròplèuments se darà a conéisher era naua aufèrta formativa deth CEI Val d’Aran entà enguan 2018.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies