Eth CEI Val d’Aran a organizat es dus dimars consecutius, eth 20 e 27 de noveme, en orari de tarde, un cors sus coma redusir es despenses qu’a agut ua bona acuelhuda per part des participaires.

Eth cors auie coma objectiu proporcionar estruments e coneishences entara reduccion de còsti des enterpreses e trabalhadors, atau coma tecnicianes sus coma agranir eth marge e era activitat e incrementar eth prètz de venta. Ath delà pendent eth cors tanben s’an exposat estrategies sus coma negociar damb provedidors, sistèmes de contròl de còsti e desviacions, diferéncies entre còst-despensa-inversion, e sus coma premanir un plan de productivitat.

Eth cors anaue adreçat a trabalhadors autonòms, trabalhadors per compde d’auti e trabalhadors en situacion de caumatge.

Era formacion gratuïta sus reduccion de despensa l’a organizat eth Conselh Generau d’Aran, era Fondacion Coell e eth madeish CEI Val d’Aran, damb era collaboracion deth Consòrci entara Formacion Continua dera Generalitat de Catalonha e eth Ministèri de Trabalh e Seguretat Sociau.