Vielha, 11 d’agost de 2017.- Aran Conectivity, ua enterpresa distribuidoira d’internet de nauta velocitat, s’a installat aguesta setmana en CEI (Centre d’Enterpreses Innovadores) Val d’Aran.

Damb aguesta naua incorporacion ja son 6 es enterpreses deth sector tecnologic e dera comunicacion installades en aguest centre de Casau ena Val d’Aran.

Gestel ei era enterpresa mairitz, qu’a hèt era inversion economica ena Val d’Aran, entà poder dar era cobertura e velocitat enes connexions d’internet, damb era idèa de poder provedir a toti es empresaris, otelèrs, comèrci damb internet de nauta velocitat.

Era enterpresa ena quau a confiat Gestel ena Val d’Aran ei Aran Conectivity S.L, que serà era que comercialize e installe aguest servici a negòcis e particulars.

Aran Conectivity ei ua enterpresa joena, damb personau qualificat enes naues tecnologies e damb assessorament d’enterpreses liders deth mercat.

Eth vicesindic d’Aran, Luís Carlos Medina, siguec eth encargat de dar era benvenguda ara naua enterpresa en CEI Val d’Aran, ath madeish temps que se mostrèc satisfèt donques didec qu’aguest nau servici de plan segur darà responsa a ua des demanes mès importantes ara madeish per part d’empresaris e comerçants ena Val d’Aran coma ei era connexion d’internet de nauta velocitat.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies